يعنى اية رئيس جمهورية

نفسي اسأل شوية اسئلة بس خايف يعملولي مشكلة
وانا علي قد حالي لا ليا دهر ولا ساكن في برج عالي
ولا عندي فيلا في مارينا ولا شالية في الساحل الشمالي
اهم حاجة عندي بلدي وعيالي
كل اما اجي اتكلم يقولولي خليك في جنب
هو انت اللي هاتغير الكون والا انت اللي ها تزيح السد


؟؟؟؟؟؟؟


وانا باقولهم يا جماعة البلد دي مش بلد فرد
البلد دية شعب وناس وارض
ودنية تانية اسمها الوطن
الاسم دة اتشال من القاموس
الاسم دة سبب الكابوس
يعني اية وطن ويعني اية بلد
كل همها انها تدوس علي الشعب المنحوس
وكل اما تيجي تتكلم وتكح جنب المعلم
يعملولك قضية وتبقي عميل امريكاني قد الدنيا
وتبقي بسلامتك جاسوس
ولسة عايزني اسأل أسئلة
وساعتها هابقي لوحدي ومش هاتبقي مرجلة
وما تعرفوش اذا كنت هاتعلق في سلسلة
والا هايقولولي دا كان وكان ودي كانت مرحلة
والله لسة واقفة في زوري الأسئلة

؟؟؟؟؟؟؟

السجاد الاحمر بينفرش منين ميروح
هو مشيةعلى الارض مش مسموح
وليةالكل قدامة بيبقى مطاطىفى الارض
وكانة عامل ذنب
امل فين الشجاعة


؟؟؟؟؟؟؟؟؟؟؟؟


البلد دى بتاعت مين ولا كلنا بتوع فرد
يعنى اية ديمقرطية مش هية هية المحا كم العسكرية
بالظبط زى الكستر والمهلبية وانا اختصرت الكلام
يااللة حسن الختام وربنا يهون عليك وعليا
اصل انا لحد دلوقتى مش عارف
الفرق بين الاستعمار والحرية




....................