** صفحة جديدة **

Admin الإثنين مايو 26, 2008 1:52 am

صفحة جديدة

وقلبت الصفحة نهائى

علشان مش لاقى كلام

اقدر اقولة

مانا خدت العمر بطولة يا ولداه

تراحيل

عصفور بيقول مواويل

والصوت بينشز منه ساعات

وساعات بيسرسع
الجنب الـ فاضل فيا خلاص

هيفرقع

فقعتنى عمايل الناس

خلعتنى مرارتى

مهى هى مرارتى الجنب المفقوع

لو باقية عليا كانت صبرت

لو بنت اصول

خليها تغور .. مطرح ماتغور

خلينى اقول انا بوقينى

صفحة جديدة

ولا نص السطر

ولا اول سطر

ولا اى سطور هنا بالمرة

وقلبت الصفحة جهة برة

علشان مش باقى كلام

اقدر اقولة

مانا خدت العمر بطولة يا ولداه

رحال

من سطر لسطر

للـ بيت على بيت

وفنص النص اتكسر النص

وبقيت بتسند عـ الموال

بالذمة يا خال

ممعاك ارغول بيقول تاتا

سمعنى ربابتك يابا

عايز اتعكز واوصل باتا

اشترى مركوب

واضرب نفسى تلاتين بولغة

عـ الفات

مـ العمر

فـ رايح جاى

اقتلنى يا ناى

قسم قسم

قطع من لحمى ما تتحشم

مـ الاول تانى يا ناى

من اول ناو ناو

نونولى

متنونونيش

.